Vie pe gnot e a matine ploie in gjenar moderade o bondante e cualchi temporâl, soredut su lis zonis orientâls; al soflarà aiar avonde fuart o fuart di Nordest. Vie pal dì timp in miôr tacant di Ovest e tal dopomisdì o varìn pôcs nûi cun Buere avonde fuarte ma daûr a calâ.

A buinore adore in gjenar pôcs nûi. Vie pal dì plui nûi e te sere o varìn ploie moderade cun pussibilitât di cualchi precipitazion improvise.

Nûi cun ploie moderade a bugadis e pussibilitât di cualchi precipitazion improvise ca e là. Temperaduris massimis pardabon in calâ, cun cuote de nêf che tal dopomisdì e podarès lâ jù fin a 1000 metris su lis Alps e a 1200 su lis Prealps. Cul dopomisdì e soflarà Buere sostignude su la marine, massime a Triest dulà che e podarà jessi fuarte par un pôc di timp.

Pal plui nûi cun pussibilitât di sclaridis cul dopomisdì. Vie pe gnot, su la marine e soflarà Buere moderade che vie pe matine si morestarà.

Cîl in gjenar variabil o ancje nûi temporanis che a passaran a cuote medie alte. Temperaduris in cressi cun zero termic parsore dai 3000 metris di cuote.